Zurrimendi

Abenduaren 18an: Mandubia-Izazpi (975 m), Ormaiztegi, Gipuzkoa

Mon, 05 Dec 2011 20:20:15 +0000

Abenduko irteeran Gipuzkoako txoko eder batera joango gara. Mandubia-Izazpi aldera. Hona kotxez iristeko, Ormaiztegira iritsi aurretik Azpeitiko bidea hartuko dugu. Salbatore, eta bidea moztuta dagoenez, Arriaran, Garin eta Astigarreta auzoetako bidea erabiliko dugu Mandubiako Bentara iristeko eta bertan autoak aparkatzeko.

Hemendik (548 m.), Izazpiko bidea hartuko dugu. Marka txuri-gorriak jarraituta, arrantzaleen ama birjinari eskainitako baselizaren ondotik pasako gara: Kizkitza. (676 m.) Itsasargia eta guzti dauka. Inguruko basoetatik egurra hartzen omen zuten itsas- ontziak egiteko.

Izazpiko tontorretik 360�ko ikuspegia (Jose, Euskal_Herria.org)

Ibilbidea gain-gainetik doa, Beotegi (728 m.), eta denbora guztia bista ederrak izango ditugu. Alde batera, Goyerri industrializatuta eta zaratatsua eta beste aldera, Gipuzkoako alde basatienetakoa. Ibarrak, basoak, mendiak. Ikuspegi bitxia?

Behin Azurtzako iturrira iritsita, bidea poliki-poliki goraka hasten da eta azkeneko aldaparekin topatuko gara. Hemendik, bakoitzak aldapak igotzeko bere teknika erabiliko du: kantari, txistuka, txipiroiak tintan nola egiten diren birpasatu, azken bidaiako abenturak kontatu?

Guzti hau eginda, Izazpiko gurutze erraldoia ukituko dugu (975 m.). Hor goitik Gipuzkoaren ikuspegi zabala dago, gure lurraldearen ia-ia erdian baitago tontor hau. Itzuli, leku beretik itzuliko gara.Bazkaldu, eguraldiaren arabera, Mandubian bertan egingo dugu, parketxoa baitago, edo bestela, Arriarango frontoira jaitsiko gara.

Iraupena: 3 ordu t?erdi-edo
Luzera: 7?5 kilometro ( joan-etorria)
Gora-behera: 427 m.
Arduradunaren telefonoa: 699017142 (Aitor)

OHARRAK:

Irteera: Goizeko 9:00etan, Hurran.
Garraioa: Familia bakoitzak bere autoa eramango du.
Bazkaria: Norberak berea.

Hurrengo irteera: Larraitz-Ausa Gaztelu.(Aralar). Urtarrilaren 29an

Federatzeko txartela 2012rako (erne, abenduaren 28 baino lehenago!)

Mon, 19 Dec 2011 20:20:15 +0000

Kaixo mendizaleok!

Mendian federatzeko urteko kontua da hau (ikus Euskal Mendizaleen Federazioa).

Honekin batera fitxategi bat bidaltzen dizuet, non txartelaren kuotak eta eman beharreko pausuak agertzen diren. Zuetako batzuek agian jasota izango duzue jada baina federatu nahi duen baten bat ezagutzen baduzue helarazi iezaiezue informazio hau. Diru sarrera eta datuak emateko azken eguna abenduaren 28a da.

Besterik gabe, gabon onak pasa ditzazuen opa dizuet!

Juanjo.

PD.- Posta elektronikoa bidaltzen duzuenean mesedez kopia bat posta elektroniko honetara bidali: jjgoni_abildua_telefonica.net.

Eskerrik asko.

Urtarrilaren 29an: Ausa GaztelAusa Gasteluu (904 m), Larraitz, Gipuzkoa

Mon, 16 Jan 2012 20:20:15 +0000

Larraitzera iristeko, Nazional 1ean, Alegian aterako gara eta Amezketarako bidea hartuko dugu. Amezketatik Abaltzisketa-Larraitzekoa.

Ausa Gaztelura igotzeko, kotxeak Larraitzen lagako ditugu. Hasieran, Txindokira doan bidea hartuko dugu. Handik gutxira eskuinerantz eta basotik doan pista batetik joango gara. Behin basoa bukatuta, aldapa gora hasiko gara tontorreraino.

Azken aldapa Errekontako lepotik �inaxio (Ausa Gastelu Luberri webgunean).

Mendi honen tontorrean Erdi Aroko eraikin baten aztarnak daude. Horregatik daukan izena. Hemendik gure ondoko ?anaia handiaren? ikuspegia ere polita baino politagoa da. Zer esanik ez inguruko herriena: Zaldibia, Abaltzisketa, Gaintza, Baliarrain, Orendain?

Itzulera leku beretik egingo dugu. Eguraldiak uzten badigu Larraitzen bertan bazkalduko dugu. Bestela, kotxeak hartu eta Abaltzisketako frontoira joango gara.

Denbora: 3 ordu t?erdi-edo

Desnibela: 500 m.

Luzera: 6,3 km.

OHARRAK:

Irteera: Goizeko 9:00etan, Hurran.
Garraioa: Familia bakoitzak bere autoa eramango du.
Bazkaria: Norberak berea.
Hurrengo irteera: Azkarate-Urreako Haitzak, Otsailaren 26an.

Belaguako kanpamentuaren aldeko sinadurak

Thu, 19 Jan 2012 20:20:15 +0000

Urtarrilean gaude eta oraindik kolokan dago ea aurten udako kanpamentua antolatuko den Arrako Bentan. Edo hobeto esanda, gauzak doazen bezala doazela aurten ez da kanpamenturik antolatuko.
Ikastolako artezkaritza Arrako Bentaren legeztatze-prozesu amaigabe eta motela abiatu zuen udan eta dena super legala izan arte ez du pausorik emango kanpamentua antolatzeko.
Bordaren egoera beti izan da legala, gauza guztiak erlatiboki legal-alegal izan daitezkeen heinean, luparekin edo mikroskopioarekin begiratu nahi izanez gero mundu honetako dena izan daiteke ilegala. Beti dago oreka bat legaltasunaren maila eta baliagarritasunaren artean.

Legaltasunaren aldetik hain pisu handia jartzen denean ematen du Belagua ez dela baliabide interesgarri bat ikastolarentzat. Egia al da hori?

Ez dut uste.

Mesedez, Belaguako Arrako Benta ikastolan garrantzizko baliabide izan dela eta izan behar duela uste baduzu, erantzun mezu honi, jarri zure izena, eta animatzen bazara esan ere zergatik gustatu zaizun edo zitzaizun Belagua, anekdota bat jarri… Ea horrela argitara ateratzen dugun nolabait ezkutuan omen dagoen Belaguazaletasuna, galtzeko zorian duguna.

Kepa Sarasola (12 urte Belaguako batzordean)

Aupa, erantzun umore pixka batekin, mesedez.
Baietz 100 mezu jaso!

Otsailaren 26an: Urreako haitzak (781 m). Azkarate. Gipuzkoa-Nafarroa.

Tue, 14 Feb 2012 20:20:15 +0000

Azkarateko elizaren ondoan lagako ditugu kotxeak eta G-20ko marka txurigorriak jarraituz Urdilleko leporaino iritsiko gara. Bide guztian, Mallozarra edo Balerdi mendia eta Urreako Haitzak begi-bistan izango ditugu. Anai-arreba handia ezkerraldean( Balerdi) eta anaia-arreba txikia eskuin aldean (Urreako Haitzak). Guk, azken honetara joateko bidea hartuko dugu. Balerdi, oraingoz, guretzako handi xamarra baita. Urdillen Gipuzkoa eta Nafarroaren arteko muga dago. Hesiaren alde batean, pinuak ( Gipuzkoa) eta bestean, belardia eta pagoak ( Nafarroa). Hemendik, eta harkaitz artean, tontorrerako bidea hartuko dugu. Tontorrean sorpresa polit bat dago txikienentzako. Zer? Gora igo behar da?

Urreako haitza (Luberri, Inaxio)

Itzultzeko, Urdillera jaitsiko gara eta marka txuri- horiak hartuko ditugu, harkaitz eta pareten azpitik pasako gara Zarateko lepora iristeko. Hemendik, pista batetik eta marka txuri-gorriei kasu eginez Azkarateraino joango gara.

Bazkaldu, Azkaraten bertan bazkalduko dugu. Eguraldi txarrarekin Atalluko frontonera jaitsiko gara.

Iraupena: 3 ordu-edo.
Luzera: 4?7 km.
Desnibela: 330 m.

OHARRAK:

Irteera: Goizeko 9:00etan, Hurran.
Garraioa: Familia bakoitzak bere autoa eramango du.
Kotxeko ibilbidea: Donostia-Tolosa-Lizartza-Atallu-Azkarate
Bazkaria: Nork berea.
Hurrengo irteera: Martxoaren 25ean, Irun-Irusta-Aitzondo

Mendira maiz joaten bazara, federa zaitez!!! (Ikastolak federatzeko aukera ematen dizu)